Committed to a united, innovative and sustainable society.

Wéi huet eng eenzeg Iddi am Joer 1944 sech zu 80 Joer am Déngscht vun der Gesellschaft entwéckelt? Op Chrëschtdag 1944 huet d’Groussherzogin Charlotte an hirem Londoner Exil d’Œuvre Nationale de Secours gegrënnt,
fir den Affer vum Zweete Weltkrich zu Lëtzebuerg ze hëllefen.
Kuerz duerno gouf e landeswäite Opruff lancéiert, bei deem jidderee gefrot gouf, en Deel vu sengem Salaire ze spenden.
D’Resultat war beandrockend: 4,6 Millioune Frang koume sou zesummen.
Fir d’Zukunft vun dëser Missioun ze sécheren, gouf dunn den 13. Juli 1945 d’Nationallotterie gegrënnt.
Nach am selwechte Joer gouf et deen éischten Tirage,
a säitdeem fléissen 100% vum Erléis vun de Spiller vun der Loterie un d'Œuvre,
déi domat deene Vulnerabelsten hëlleft a Projeten a 5 Beräicher finanzéiert.
Iwwer 543 Milliounen Euro konnte sou zënter 1945 un d’Beneficiairen vun der Œuvre verdeelt ginn,
wat d’Liewe vu villen an der Lëtzebuerger Gesellschaft nohalteg verännert huet.
Eleng an de leschten zéng Joer goufen iwwer dausend Projeten ënnerstëtzt.
Zanter iwwer 12 Joer huet d’Loterie Nationale och d’Certificatioun Jeu Responsable vun der „European Lotteries Association“,
an ënnersträicht domat hiert Engagement fir Sécherheet an Integritéit.
Zanter 80 Joer stinn d’Œuvre an d’Loterie Nationale sou am Déngscht vun der Gesellschaft
a schaffen zesumme fir eng solidaresch, innovativ an nohalteg Zukunft fir Lëtzebuerg.